Portugaliyalik hujumchi Rafael Leau Turkiyaga uchib ketdi. U yaqin vaqt ichida «Galatasaroy»ning yangi futbolchisi sifatida rasman tanishtirilishi kutilmoqda.
Futbolchi safar oldidan aeroportning o‘zida intervyu berib, «Milan»ni qo‘llab-quvvatlashda davom etishi va sobiq jamoasining natijalarini kuzatib borishini ta’kidladi.
«Kecha sobiq jamoadoshlarim bilan stadionda edim. Muxlislar bilan xayrlashish uchun maydonga chiqmoqchi bo‘ldim, ammo buning imkoni bo‘lmadi. «Milan»ga faqat eng yaxshi tilaklarni tilayman va uni uzoqdan kuzatib boraman. Hayot shunaqa. Bir davr yakunlanadi, boshqasi esa boshlanadi», — deya Leauning so‘zlarini keltiradi Pianeta Milan.
Eslatib o‘tamiz, Leau «Milan» safiga 2019 yilda qo‘shilgan va klub sharafini yetti yil davomida himoya qilgan.
