Angliya chempionatining shanba kungi uchrashuvida «Koventri Siti» o‘z maydonida «Xall Siti»ni qabul qildi. Mehmonlar 1:0 hisobida g‘alaba qozondi.
Uchrashuv unchalik sermahsul kechmadi. Birinchi bo‘limda darvozalar daxlsiz qoldi. Biroq «Xall Siti» o‘yin oxirida g‘alaba golini urishga muvaffaq bo‘ldi.
82-daqiqada «yo‘lbarslar» tezkor hujum uyushtirdi. Muhammad Bellumining uzatmasidan so‘ng Liam Millar to‘pni aniq zarba bilan darvozaga yo‘llab, mehmonlarga uch ochkoni taqdim etdi.
«Koventri Siti» hisobni tenglashtirish uchun bor kuchini ishga soldi, ammo mag‘lubiyatdan qutulib qola olmadi. Shu tariqa, jamoa ketma-ket ikkinchi uchrashuvda mag‘lub bo‘ldi. «Xall Siti» esa mavsumdagi dastlabki ikki o‘yinda ham g‘alaba qozonib, ochkolari sonini 6 taga yetkazdi.
