Англия чемпионатининг шанба кунги учрашувида «Ковентри Сити» ўз майдонида «Халл Сити»ни қабул қилди. Меҳмонлар 1:0 ҳисобида ғалаба қозонди.
Учрашув унчалик сермаҳсул кечмади. Биринчи бўлимда дарвозалар дахлсиз қолди. Бироқ «Халл Сити» ўйин охирида ғалаба голини уришга муваффақ бўлди.
82-дақиқада «йўлбарслар» тезкор ҳужум уюштирди. Муҳаммад Беллумининг узатмасидан сўнг Лиам Миллар тўпни аниқ зарба билан дарвозага йўллаб, меҳмонларга уч очкони тақдим этди.
«Ковентри Сити» ҳисобни тенглаштириш учун бор кучини ишга солди, аммо мағлубиятдан қутулиб қола олмади. Шу тариқа, жамоа кетма-кет иккинчи учрашувда мағлуб бўлди. «Халл Сити» эса мавсумдаги дастлабки икки ўйинда ҳам ғалаба қозониб, очколари сонини 6 тага етказди.
