«Fiorentina» Italiya A Seriyasining 2-turida o‘z maydonida «Frozinone»ga 0:3 hisobida yirik mag‘lubiyatga uchradi.
Mehmonlar safida Antonio Raymondo dubl qayd etdi. U 26 va 68-daqiqalarda raqib darvozasini ishg‘ol qildi. Yana bir gol 38-daqiqada Gabriele Brakalya hisobiga yozildi.
Shu tariqa, «Fiorentina» yangi mavsumni ketma-ket ikkita yirik mag‘lubiyat bilan boshladi. Florensiyaliklar 1-turda ham «Roma»ga 0:4 hisobida imkoniyatni boy bergan edi. Jamoa dastlabki ikki uchrashuvda jami 7 ta gol o‘tkazib yubordi va birorta ham gol ura olmadi.
«Frozinone» esa 1-turda «Yuventus»dan 0:1 hisobida mag‘lub bo‘lganidan keyin mavsumdagi ilk g‘alabasini qo‘lga kiritdi.
Parallel o‘tgan uchrashuvlarda «Sassuolo» «Torino»ni 2:1 hisobida mag‘lub etdi, «Udineze» esa «Monsa» ustidan 3:2 hisobida g‘alaba qozondi.
