«Фиорентина» Италия А Сериясининг 2-турида ўз майдонида «Фрозиноне»га 0:3 ҳисобида йирик мағлубиятга учради.

Меҳмонлар сафида Антонио Раймондо дубль қайд этди. У 26 ва 68-дақиқаларда рақиб дарвозасини ишғол қилди. Яна бир гол 38-дақиқада Габриэле Бракалья ҳисобига ёзилди.

Шу тариқа, «Фиорентина» янги мавсумни кетма-кет иккита йирик мағлубият билан бошлади. Флоренцияликлар 1-турда ҳам «Рома»га 0:4 ҳисобида имкониятни бой берган эди. Жамоа дастлабки икки учрашувда жами 7 та гол ўтказиб юборди ва бирорта ҳам гол ура олмади.

«Фрозиноне» эса 1-турда «Ювентус»дан 0:1 ҳисобида мағлуб бўлганидан кейин мавсумдаги илк ғалабасини қўлга киритди.

Параллел ўтган учрашувларда «Сассуоло» «Торино»ни 2:1 ҳисобида мағлуб этди, «Удинезе» эса «Монца» устидан 3:2 ҳисобида ғалаба қозонди.