«Manchester Yunayted» bosh murabbiyi Maykl Karrik yarim himoyachi Meyson Mauntning holati haqida fikr bildirdi.
27 yoshli futbolchi avgust oyi boshida «PSJ»ga qarshi o‘rtoqlik uchrashuvida olgan navbatdagi jarohati sabab mavsum boshini o‘tkazib yubormoqda.
«Meyson jamoaga katta foyda keltira olishiga shubha yo‘q. U yuqori saviyali futbolchi va mavsumoldi tayyorgarlik jarayonida o‘zini juda yaxshi ko‘rsatdi. Jarohat olganiga hali ko‘p vaqt bo‘lgani yo‘q, shuning uchun u tezda yaxshi formaga kirib olishi kerak.
Maunt bilan ishlash oson. U ajoyib xarakterga va to‘g‘ri munosabatga ega. Bu kichik jarohat uni xafa qildi, ammo joriy mavsumda o‘zini ko‘rsatishiga to‘sqinlik qilmaydi», — deya Karrikning so‘zlarini keltiradi CentreDevils.
Bugun soat 20:30 da Angliya Premyer-ligasi doirasida «Manchester Yunayted» va «Ipsvich» o‘rtasidagi uchrashuv boshlanadi.
