"Roma" "Atalanta" yarim himoyachisi Marten de Ronni o‘z safiga qo‘shib olishga yaqin turibdi. Bu haqda jurnalist Fabrisio Romano xabar berdi.
Manba ma’lumotiga ko‘ra, Rim klubi futbolchi transferi bo‘yicha muzokaralar o‘tkazib, og‘zaki kelishuvga erishgan. De Ronning o‘zi ham "Roma" safiga qo‘shilishni istamoqda.
35 yoshli niderlandiyalik yarim himoyachi 2017 yil avgustidan buyon "Atalanta" sharafini himoya qilib kelmoqda. Uning klub bilan amaldagi shartnomasi 2027 yil yoziga qadar mo‘ljallangan.
Transfermarkt portali De Roonning bozor qiymatini 3,2 million yevroga baholamoqda.
O‘tgan mavsumda u Italiya A Seriyasida 34 ta uchrashuv o‘tkazib, 1 ta gol urdi va 2 ta golli uzatmani amalga oshirdi.
