"Рома" "Аталанта" ярим ҳимоячиси Мартен де Ронни ўз сафига қўшиб олишга яқин турибди. Бу ҳақда журналист Фабрицио Романо хабар берди.

Манба маълумотига кўра, Рим клуби футболчи трансфери бўйича музокаралар ўтказиб, оғзаки келишувга эришган. Де Роннинг ўзи ҳам "Рома" сафига қўшилишни истамоқда.

35 ёшли нидерландиялик ярим ҳимоячи 2017 йил августидан буён "Аталанта" шарафини ҳимоя қилиб келмоқда. Унинг клуб билан амалдаги шартномаси 2027 йил ёзига қадар мўлжалланган.

Transfermarkt портали Де Рооннинг бозор қийматини 3,2 миллион еврога баҳоламоқда.

Ўтган мавсумда у Италия А Сериясида 34 та учрашув ўтказиб, 1 та гол урди ва 2 та голли узатмани амалга оширди.