«Chelsi»ning yangi darvozaboni Emiliano Martines «Aston Villa»dan London klubiga o‘tganidan so‘ng ilk fikrlarini bildirdi.

30 avgust kuni ertalab «ko‘klar» matbuot xizmati 33 yoshli argentinalik golkiperning transferini rasman e’lon qildi.

«Chelsi»da ekanimdan juda xursandman. Men va oilam uchun bu qarorni qabul qilish qiyin bo‘lmadi. Hozir baxtdan yettinchi osmondaman. Ishga kirishishni sabrsizlik bilan kutyapman.

Har bir o‘yin va har bir mashg‘ulotda 100 foiz kuchimni beraman. Jamoadoshlarim, klub va muxlislar men bilan faxrlanishi uchun bor imkoniyatimni ishga solaman», — dedi Martines «Chelsi» matbuot xizmatiga.

Argentinalik darvozabon yangi klubida katta muvaffaqiyatlarga erishishni istashini ham ta’kidladi.

Martinesning aytishicha, u doimo g‘alaba qozonish va sovrinlar yutishga intiladi.