«Marsel» yarim himoyachisi Kvinten Timber «Kristal Pelas» bilan shaxsiy shartnoma shartlari bo‘yicha kelishuvga erishdi. Bu haqda GFFN xabar berdi.

«Marsel» yoz davomida moliyaviy vaziyat sabab bir qator futbolchilarini sotishga majbur bo‘ldi. Transfer oynasining so‘nggi kunlarida klub yana bir nechta o‘yinchi bilan xayrlashishga yaqin turibdi.

Timber «Marsel» safiga yanvar oyida qo‘shilgan. U o‘tgan mavsumning ikkinchi yarmida 16 ta uchrashuvda maydonga tushdi.

Jamoa bosh murabbiyi Bruno Jenezio yarim himoyachini saqlab qolishni istagan, biroq klubning moliyaviy holati talab yuqori bo‘lgan futbolchilarni jamoada ushlab qolish imkonini cheklamoqda.

Ayni paytda «Kristal Pelas» transfer summasi bo‘yicha «Marsel» bilan hali kelishib olishi kerak. Transfermarkt portali Timberning bozor qiymatini 25 million yevroga baholamoqda.