Angliya chempionatining yakshanba kungi uchrashuvida «Lids» o‘z maydonida «Brentford»ni qabul qildi. Uchrashuv 1:1 hisobidagi durang bilan yakunlandi.
Mehmonlar birinchi bo‘limda yaxshi harakat qildi va tanaffus arafasida hisobni ochdi. Kin Lyuis-Potterning uzatmasidan so‘ng Kevin Shade to‘pni darvozaga joyladi.
«Brentford» uzoq vaqt davomida raqib hujumlarini qaytarib, g‘alabani saqlab qolishga yaqin edi. Biroq uchrashuv yakunida «Lids» hisobni tenglashtirdi. Lukas Nmechaning uzatmasidan keyin Dominik Kalvert-Lyuin gol urdi.
Shu tariqa, har ikki jamoa ikki turdan so‘ng 4 ochkodan jamg‘ardi.
