Англия чемпионатининг якшанба кунги учрашувида «Лидс» ўз майдонида «Брентфорд»ни қабул қилди. Учрашув 1:1 ҳисобидаги дуранг билан якунланди.
Меҳмонлар биринчи бўлимда яхши ҳаракат қилди ва танаффус арафасида ҳисобни очди. Кин Льюис-Поттернинг узатмасидан сўнг Кевин Шаде тўпни дарвозага жойлади.
«Брентфорд» узоқ вақт давомида рақиб ҳужумларини қайтариб, ғалабани сақлаб қолишга яқин эди. Бироқ учрашув якунида «Лидс» ҳисобни тенглаштирди. Лукас Нмечанинг узатмасидан кейин Доминик Калверт-Льюин гол урди.
Шу тариқа, ҳар икки жамоа икки турдан сўнг 4 очкодан жамғарди.
