Angliyalik sobiq futbolchi Gari Nevill «Chelsi» va «Manchester Yunayted»ning joriy Premyer-ligadagi istiqbollari haqida fikr bildirdi.
Yakshanba kuni har ikki jamoa ham o‘z maydonida g‘alaba qozondi: «ko‘klar» «Brayton»ni 4:3 hisobida mag‘lub etgan bo‘lsa, «qizil iblislar» «Ipsvich»ni 5:2 hisobida tor-mor keltirdi.
«Chelsi» va «Manchester Yunayted» juda o‘xshash. Menimcha, «Chelsi» yuqoriroq o‘rinda yakunlaydi, chunki ular yevrokuboklarda ishtirok etmaydi va chempionatga to‘liq e’tibor qaratishi mumkin. «MYU» esa Chempionlar ligasi bilan ham chalg‘iydi. Bu yagona sabab», — dedi Nevill o‘z podkastida.
«Chelsi» ikki turdan so‘ng 6 ochko to‘plagan, mankunianliklar hisobida esa 3 ochko bor.
