«Fiorentina»ning 100 yilligi munosabati bilan o‘tkazilgan tantanada Lissabonning «Benfika» klubi prezidenti Ruy Koshta ham ishtirok etdi. U o‘tmishda yetti yil davomida «fialkalar» safida to‘p surgan.

Jurnalistlar undan Italiyaga ehtimoliy qaytishi haqida so‘rashdi. Biroq Koshta Portugaliyada ishlari juda yaxshi ketayotgani uchun barchasini tashlab ketishni istamasligini aytdi.

«Men uchun “Benfika” nimani anglatishini hech qachon yashirmaganman. Men “Benfika”da sakkiz yoshimdan o‘ynay boshlaganman, hozir esa ushbu klub prezidenti bo‘lib turibman. Bu hayotimning ajoyib qismidir. Shu ma’noda menga omad kulgan — ham o‘ynagan joylarim, ham yashagan joylarim tufayli», — dedi Koshta.

Ruy Koshta hozirda «Benfika» prezidenti hisoblanadi.