«Фиорентина»нинг 100 йиллиги муносабати билан ўтказилган тантанада Лиссабоннинг «Бенфика» клуби президенти Руй Кошта ҳам иштирок этди. У ўтмишда етти йил давомида «фиалкалар» сафида тўп сурган.

Журналистлар ундан Италияга эҳтимолий қайтиши ҳақида сўрашди. Бироқ Кошта Португалияда ишлари жуда яхши кетаётгани учун барчасини ташлаб кетишни истамаслигини айтди.

«Мен учун “Бенфика” нимани англатишини ҳеч қачон яширмаганман. Мен “Бенфика”да саккиз ёшимдан ўйнай бошлаганман, ҳозир эса ушбу клуб президенти бўлиб турибман. Бу ҳаётимнинг ажойиб қисмидир. Шу маънода менга омад кулган — ҳам ўйнаган жойларим, ҳам яшаган жойларим туфайли», — деди Кошта.

Руй Кошта ҳозирда «Бенфика» президенти ҳисобланади.