«Komo» bosh murabbiyi Sesk Fabregas jamoa yangi darajada, jumladan Chempionlar ligasida ishtirok etish uchun bosqichma-bosqich qayta qurilayotganini va bir-biriga moslashib olish uchun hali ko‘p ish qilish kerakligini aytdi. Murabbiy klub mas’uliyatni anglayotgani va xotirjamlikni saqlash zarurligini ta’kidladi.

«Ayonki, issiq o‘z ta’sirini ko‘rsatmoqda, shuning uchun aql bilan o‘ynashimiz kerak. Agar biz shunchaki to‘p ortidan yugursak, juda tez charchaymiz. To‘pni nazorat qilish va o‘yin sur’atini boshqarish muhim», dedi Sesk.

Fabregas shuningdek, bu mavsumda o‘yin saviyasi yanada oshishini va Chempionlar ligasida ishtirok etish uchun jamoaga tajribali futbolchilar kerakligini ta’kidladi.