«Al-Hilol» «Aston Villa» va Angliya terma jamoasi hujumchisi Olli Uotkinsni o‘z safiga qo‘shib olganini rasman e’lon qildi. 30 yoshli hujumchi bilan uch yillik shartnoma imzolandi.
Avvalroq birmingemlik klub «Al-Hilol»ning Uotkins uchun 58,4 million yevro miqdoridagi so‘nggi taklifini qabul qilgani, shuningdek, bonuslar sifatida yana 2 million yevro to‘lanishi haqida xabar berilgan edi.
«Al-Hilol» Uotkinsni Karim Benzema o‘rniga transfer qildi. Saudiya klubi Benzema bilan hamkorlikni yakunlashga tayyor. Shuningdek, klub «Arsenal» vingeri Gabriel Martinellini 65 million yevro evaziga transfer qilish bo‘yicha kelishuvga erishgan.
O‘tgan mavsumda Uotkins barcha musobaqalarda 55 ta o‘yin o‘tkazib, 21 ta gol urdi va 5 ta golli uzatmani amalga oshirdi. Angliya terma jamoasi safida hujumchi 2026 yilgi Jahon chempionatida ikki uchrashuvda maydonga tushdi.
«Al-Hilol» Pro-liganing dastlabki uch turida 9 ochko to‘pladi. Jamoa keyingi uchrashuvini 1 sentyabr kuni Simone Inzagi boshchiligida «Al-Ahli»ga qarshi o‘tkazadi.
