Londonning «Arsenal» klubi vingeri Gabriel Martinelli «Al-Hilol»ga o‘tish arafasida turibdi. Tomonlar transfer shartlari bo‘yicha kelishuvga erishgan, futbolchining o‘zi ham Saudiya klubiga ko‘chib o‘tishga rozilik bergan.
Shunga qaramay, «Arsenal» bosh murabbiyi Mikel Arteta hozircha braziliyalik futbolchining kelajagi borasida aniq fikr bildirishdan tiyildi.
«Gabi — “Arsenal” futbolchisi va hozircha shu. Bu borada qo‘shimcha izoh berishim to‘g‘ri deb o‘ylamayman. Savol nima haqida ekanini tushunaman, ammo ayni paytda bu mavzuni muhokama qilish vaqti emas», — dedi Arteta.
