Madridning «Real» klubi bosh murabbiyi Joze Mourinyo markaziy himoyachi Din Xyoysenning o‘yini haqida fikr bildirdi.
Yakshanba kuni 21 yoshli futbolchi «Malaga»ga qarshi uchrashuvda boshidan oxirigacha maydonda harakat qilib, «qaymoqranglilar»ning 4:0 hisobidagi yirik g‘alabasiga hissa qo‘shdi.
«Menga Xyoysen yoqadi. U yarim himoyachilarga xos darajadagi aniq uzatmalar orqali hujumlarni boshlaydi, yakkakurashlarda g‘olib chiqadi va jamoadoshlariga ishonch bag‘ishlaydi. Uchrashuv boshida u xatoga yo‘l qo‘ydi, ammo shundan so‘ng maydonda to‘liq ustunlik qildi.
Men himoyada o‘z vazifasini yaxshi bajaradigan himoyachilarni afzal ko‘raman. Agar ular to‘p bilan ham chiroyli muomala qila olsa, yanada yaxshi. Xyoysen himoyada juda ishonchli harakat qilmoqda — hozir eng muhimi ham shu», — dedi Mourinyu matbuot anjumanida. (madriduniversal.com)
