"Bavariya" yarim himoyachisi Jamal Musiala jamoaning umumiy guruhida mashg‘ulotlarga qaytdi.

Avvalroq 23 yoshli futbolchi ketma-ket ikki uchrashuvda o‘zini yomon his qilib, tibbiy yordamga muhtoj bo‘lgan va maydonni tark etgan edi. Keyinchalik Musiala unga nevrologik disfunksiya sabab yuzaga keladigan qisqa muddatli, ammo davolash mumkin bo‘lgan absanslar tashxisi qo‘yilganini ma’lum qilgan.

Shu sababli futbolchi Dortmundning "Borussiya"siga qarshi Germaniya Superkubogi bahsini (2:1), shuningdek, Bundesliganing 1-turidagi "Shtutgart"ga qarshi uchrashuvni (5:1) o‘tkazib yuborgan.

Jurnalist Kerri Xau ma’lumotiga ko‘ra, Musiala yakshanba kuni "Bavariya"ning umumiy guruhida to‘liq mashg‘ulot o‘tkazdi.

Biroq uning Germaniya kubogining 1-bosqichida "Osnabryuk"ka qarshi o‘yinda ishtirok etishi ehtimoli past. Myunxenliklar murabbiylar shtabi futbolchining maydonga qaytishiga shoshilmaslikni ma’qul ko‘rmoqda.

"Bavariya" — "Osnabryuk" uchrashuvi 2 sentyabr kuni bo‘lib o‘tadi.