"Бавария" ярим ҳимоячиси Жамал Мусиала жамоанинг умумий гуруҳида машғулотларга қайтди.
Аввалроқ 23 ёшли футболчи кетма-кет икки учрашувда ўзини ёмон ҳис қилиб, тиббий ёрдамга муҳтож бўлган ва майдонни тарк этган эди. Кейинчалик Мусиала унга неврологик дисфункция сабаб юзага келадиган қисқа муддатли, аммо даволаш мумкин бўлган абсанслар ташхиси қўйилганини маълум қилган.
Шу сабабли футболчи Дортмунднинг "Боруссия"сига қарши Германия Суперкубоги баҳсини (2:1), шунингдек, Бундеслиганинг 1-туридаги "Штутгарт"га қарши учрашувни (5:1) ўтказиб юборган.
Журналист Керри Хау маълумотига кўра, Мусиала якшанба куни "Бавария"нинг умумий гуруҳида тўлиқ машғулот ўтказди.
Бироқ унинг Германия кубогининг 1-босқичида "Оснабрюк"ка қарши ўйинда иштирок этиши эҳтимоли паст. Мюнхенликлар мураббийлар штаби футболчининг майдонга қайтишига шошилмасликни маъқул кўрмоқда.
"Бавария" — "Оснабрюк" учрашуви 2 сентябрь куни бўлиб ўтади.
