«Chelsi»ning argentinalik yarim himoyachisi Enso Fernandes «Manchester Siti»ga ehtimoliy transferi haqidagi mish-mishlar fonida ketma-ket ikkinchi uchrashuvni o‘tkazib yubordi.

Avvalroq «Manchester Siti» Fernandes bilan shaxsiy shartnoma shartlarini kelishib olgani haqida xabarlar tarqalgan edi.

Biroq Sky Sports ma’lumotiga ko‘ra, «Chelsi» hozircha futbolchi uchun rasmiy taklif olmagan. Shu bilan birga, Angliyada transfer oynasining so‘nggi kuni — 1 sentyabr.

Eslatib o‘tamiz, «Chelsi» Fernandesni «Manchester Siti»ga qo‘yib yuborishga tayyor, ammo buning uchun 140 million yevro miqdoridagi taklifni kutayotgani aytilmoqda.

Transfermarkt portali mutaxassislari 25 yoshli yarim himoyachining bozor qiymatini 100 million yevroga baholamoqda.