«Liverpul» bosh murabbiyi Andoni Iraola qaysi murabbiyning uslubi va o‘yin falsafasi o‘ziga yaqinroq ekani haqidagi savolga javob berdi. U Yurgen Klopp va Arne Slotni taqqosladi.

Germaniyalik Klopp hamda niderlandiyalik Slot avvalroq «Liverpul»ni boshqargan va har ikkisi ham «qizillar» bilan Angliya Premyer-ligasida chempionlikni qo‘lga kiritgan.

Iraola esa joriy yozda mersisaydliklar bosh murabbiyi etib tayinlandi. U bunga qadar «Bornmut»da faoliyat yuritgan.

«Menga Yurgenning uslubi yaqinroq, deb aytgan bo‘lardim. Biroq Arne bilan jamoaning qanday ishlaganida ham menga yoqqan jihatlar juda ko‘p edi», — dedi Iraola TNT Sports’ga.

Angliya Premyer-ligasining yangi mavsumidagi dastlabki ikki turdan so‘ng «Liverpul» 2 ochko jamg‘ardi. Mersisaydliklar «Nottingem Forest» va «Nyukasl» bilan bir xil — 2:2 hisobida durang o‘ynadi.