«Ливерпуль» бош мураббийи Андони Ираола қайси мураббийнинг услуби ва ўйин фалсафаси ўзига яқинроқ экани ҳақидаги саволга жавоб берди. У Юрген Клопп ва Арне Слотни таққослади.

Германиялик Клопп ҳамда нидерландиялик Слот аввалроқ «Ливерпуль»ни бошқарган ва ҳар иккиси ҳам «қизиллар» билан Англия Премьер-лигасида чемпионликни қўлга киритган.

Ираола эса жорий ёзда мерсисайдликлар бош мураббийи этиб тайинланди. У бунга қадар «Борнмут»да фаолият юритган.

«Менга Юргеннинг услуби яқинроқ, деб айтган бўлардим. Бироқ Арне билан жамоанинг қандай ишлаганида ҳам менга ёққан жиҳатлар жуда кўп эди», — деди Ираола TNT Sports’га.

Англия Премьер-лигасининг янги мавсумидаги дастлабки икки турдан сўнг «Ливерпуль» 2 очко жамғарди. Мерсисайдликлар «Ноттингем Форест» ва «Ньюкасл» билан бир хил — 2:2 ҳисобида дуранг ўйнади.