«Liverpul» hujumchisi Kodi Gakpo mersisaydliklar safida qolishi mumkin.
Taniqli insayder Fabrisio Romano ma’lumotiga ko‘ra, «Liverpul» rahbariyati 27 yoshli niderlandiyalik futbolchining vakillariga, agar unga munosib o‘rinbosar topilmasa, jamoada saqlab qolinishini bildirgan.
Vaziyat ko‘p jihatdan «Kristal Pelas» vingeri Ismaila Sarrning ehtimoliy transferiga bog‘liq. «Liverpul» senegallik futbolchini o‘z safiga qo‘shib olish ustida ishlamoqda.
Avvalroq Gakpo «Manchester Siti» bilan shaxsiy shartnoma shartlarini kelishib olgani xabar qilingan edi. Shu bilan birga, futbolchining o‘zi ham «Liverpul» uni sotmaslikka qaror qilsa, jamoada qolishga qarshi emas.
Gakpo «Liverpul» safida 2023 yil yanvardan buyon to‘p tepib kelmoqda. U mersisaydliklar safiga PSVdan ko‘chib o‘tgan edi.
