«Ливерпуль» ҳужумчиси Коди Гакпо мерсисайдликлар сафида қолиши мумкин.

Таниқли инсайдер Фабрицио Романо маълумотига кўра, «Ливерпуль» раҳбарияти 27 ёшли нидерландиялик футболчининг вакилларига, агар унга муносиб ўринбосар топилмаса, жамоада сақлаб қолинишини билдирган.

Вазият кўп жиҳатдан «Кристал Пэлас» вингери Исмаила Саррнинг эҳтимолий трансферига боғлиқ. «Ливерпуль» сенегаллик футболчини ўз сафига қўшиб олиш устида ишламоқда.

Аввалроқ Гакпо «Манчестер Сити» билан шахсий шартнома шартларини келишиб олгани хабар қилинган эди. Шу билан бирга, футболчининг ўзи ҳам «Ливерпуль» уни сотмасликка қарор қилса, жамоада қолишга қарши эмас.

Гакпо «Ливерпуль» сафида 2023 йил январдан буён тўп тепиб келмоқда. У мерсисайдликлар сафига ПСВдан кўчиб ўтган эди.