Italiya terma jamoasi hujumchisi Moyze Kin «Fiorentina»dan «Komo»ga o‘tish arafasida. Tomonlar futbolchining transferi bo‘yicha kelishuvga erishishga yaqin qolgan.

«Komo» Kinni qo‘lga kiritish uchun muzokaralarni faol davom ettirib, «Fiorentina»ning talablariga tobora yaqinlashdi.

Lombardiya klubi avvalgi taklifini yaxshilab, umumiy qiymati 40 million yevro atrofida bo‘lgan shartlarni taklif qildi. Uning 35 million yevrosi kafolatlangan to‘lov, yana 5 million yevro esa bonuslardan iborat.

Kinning o‘zi ham «Komo»ga o‘tish istagini ochiq bildirgan. Ushbu transfer italiyalik hujumchiga Chempionlar ligasida ishtirok etish imkonini beradi. «Komo» tarixida ilk bor Yevropa klublarining eng nufuzli musobaqasida qatnashadi va klub rahbariyati tarkibni kuchaytirishni maqsad qilgan.

Kinning «Fiorentina»dagi kelajagi esa so‘nggi kunlarda jiddiy savol ostida qolgan edi. Hujumchi jamoa mashg‘ulotiga kechikib kelgan va shu sababli klub tomonidan jarimaga tortilgan. Keyinchalik u yakka tartibdagi mashg‘ulotda ishtirok etgan.