«Atalanta» «Bolonya» vingeri Jonatan Rouning transferi bo‘yicha kelishuvga erishdi.
23 yoshli angliyalik futbolchining transferi yakuniy bosqichda. Taniqli jurnalist Fabrisio Romano xabar berishicha, Rou «Atalanta»ga ijara asosida o‘tadi va kelishuvda futbolchini majburiy sotib olish bandi ko‘zda tutilgan.
Transferning asosiy qismi 35 million yevroni tashkil etadi. Yana 5 million yevro bonuslar sifatida nazarda tutilgan. Futbolchining o‘zi ham faoliyatini aynan Bergamo klubida davom ettirishni istagan.
Rou 2025 yil yozidan buyon «Bolonya» sharafini himoya qilib kelmoqda. Ungacha angliyalik futbolchi «Marsel» va «Norvich» klublarida o‘ynagan.
