Italiya chempionati — A Seriyaning 2-turidan o‘rin olgan uchrashuvda «Atalanta» o‘z maydonida «Bolonya»ni 1:0 hisobida mag‘lub etdi.
Bergamoda bo‘lib o‘tgan bahs uzoq vaqt davomida golsiz kechdi. Jamoalarning urinishlariga qaramay, asosiy vaqt yakunlangunga qadar hisob ochilmadi.
Uchrashuv taqdirini Lazar Samarjich hal qildi. U 90+6-daqiqada raqib darvozasini ishg‘ol qilib, «Atalanta»ga muhim uch ochko keltirdi.
Shu tariqa, Bergamo klubi mavsumdagi ikkinchi g‘alabasini qo‘lga kiritdi va 6 ochko bilan A Seriya turnir jadvalida 5-o‘rinni egallab turibdi.
«Bolonya» esa 2026/27 yilgi mavsumni muvaffaqiyatsiz boshladi. Jamoa ketma-ket ikkinchi mag‘lubiyatini qabul qildi va hozircha ochko jamg‘ara olmay, turnir jadvalining 15-pog‘onasida bormoqda.
3-turda «Bolonya» o‘z maydonida «Sassuolo»ni qabul qiladi. «Atalanta» esa navbatdagi uchrashuvini «Roma»ga qarshi o‘tkazadi.
