«Milan» «Nottingem Forest» hujumchisi Omari Xatchinsonni ijara asosida o‘z safiga qo‘shib oldi.
Tomonlar o‘rtasidagi ijara shartnomasi 2027 yil 30 iyunga qadar amal qiladi. Shuningdek, kelishuvda «Milan» uchun futbolchining sport huquqlarini to‘liq sotib olish imkoniyati ham ko‘zda tutilgan.
22 yoshli angliyalik futbolchi «Nottingem Forest» safida 2025 yil avgustidan buyon to‘p tepib kelayotgan edi. Uning ingliz klubi bilan amaldagi shartnomasi 2030 yil 30 iyunga qadar mo‘ljallangan.
Xatchinson 2025/26 yilgi mavsumda barcha musobaqalar doirasida 41 ta uchrashuvda maydonga tushib, 1 ta gol urdi va 4 ta golli uzatmani amalga oshirdi.
Transfermarkt portali ma’lumotiga ko‘ra, futbolchining hozirgi transfer qiymati 30 million yevroni tashkil etadi.
