«Милан» «Ноттингем Форест» ҳужумчиси Омари Хатчинсонни ижара асосида ўз сафига қўшиб олди.

Томонлар ўртасидаги ижара шартномаси 2027 йил 30 июнга қадар амал қилади. Шунингдек, келишувда «Милан» учун футболчининг спорт ҳуқуқларини тўлиқ сотиб олиш имконияти ҳам кўзда тутилган.

22 ёшли англиялик футболчи «Ноттингем Форест» сафида 2025 йил августидан буён тўп тепиб келаётган эди. Унинг инглиз клуби билан амалдаги шартномаси 2030 йил 30 июнга қадар мўлжалланган.

Хатчинсон 2025/26 йилги мавсумда барча мусобақалар доирасида 41 та учрашувда майдонга тушиб, 1 та гол урди ва 4 та голли узатмани амалга оширди.

Transfermarkt портали маълумотига кўра, футболчининг ҳозирги трансфер қиймати 30 миллион еврони ташкил этади.