«Arsenal»ning sobiq hujumchisi Tyerri Anri londonliklarning Angliya Premyer-ligasida ketma-ket ikkinchi bor chempion bo‘lishiga ishonch bildirdi.

«Kanonirlar» yangi mavsumni ikki «quruq» g‘alaba bilan boshladi. Dastlab «Koventri» 3:0 hisobida mag‘lub etilgan bo‘lsa, keyingi turda «Aston Villa» 1:0 hisobida yengildi.

«Hozirgi «Arsenal» nimalarga qodir ekanini ko‘rib turibsiz. Albatta, kelajakda nima bo‘lishini hech qachon aniq aytib bo‘lmaydi.

Ayni paytda «Arsenal» bilan tengma-teng raqobatlasha oladigan jamoani ko‘rmayapman. Hatto «Manchester Siti»ning yaqinda «Kristal Pelas» ustidan ishonchli g‘alaba qozonganiga qaramay, fikrim o‘zgargani yo‘q.

Hozirgi holat «Arsenal»ning muvaffaqiyatiga ishonch uyg‘otmoqda. Lekin o‘tgan yilni ham yaxshi eslayman. O‘shanda hamma «Liverpul» bilan raqobatlashish juda qiyin bo‘ladi, deb o‘ylagandi, keyin esa ularning ishlari izdan chiqdi», — dedi Anri.

Sobiq futbolchining so‘zlarini Arsenal Radar keltirdi.

Mikel Arteta boshchiligidagi «Arsenal» 6 sentyabr kuni APLning navbatdagi turida o‘z maydonida «Chelsi»ni qabul qiladi.