«Manchester Siti» «Chelsi» yarim himoyachisi Enso Fernandesni transfer oynasi yopilgunga qadar o‘z safiga qo‘shib olishga qat’iy qaror qilgan.

Jurnalist Ben Jeykobs ma’lumotiga ko‘ra, «shaharliklar» vakillari yaqin vaqt ichida 25 yoshli argentinalik futbolchining transferi shartlari bo‘yicha «Chelsi» bilan kelishuvga erisha olishlariga ishonch bildirmoqda.

Ayni paytda ikki klub o‘rtasida rasmiy muzokaralar allaqachon boshlangan.

Avvalroq «Manchester Siti» Enso Fernandesning o‘zi bilan shaxsiy shartnoma shartlari bo‘yicha kelishib olgani haqida xabarlar tarqalgan edi.

Kutilayotgan transfer qiymati 140 million yevro atrofida bo‘lishi mumkin.

Enso Fernandes «Chelsi» safida hozirga qadar barcha musobaqalarda 170 ta uchrashuv o‘tkazib, 31 ta gol urgan va 30 ta golli uzatmani amalga oshirgan.