«Boka Xuniors» yarim himoyachisi Leandro Paredes Lionel Messining Argentina terma jamoasidagi faoliyatini yakunlashiga munosabat bildirdi.

39 yoshli hujumchi 31 avgust, dushanba kuni milliy jamoadagi faoliyatini tugatganini e’lon qildi.

«Men bu xabarga allaqachon tayyorman, deb o‘ylagandim, ammo, albatta, unday emas ekan.

Argentinalik sifatida, terma jamoa muxlisi sifatida, jamoadosh va do‘st sifatida men uchun qilgan barcha ishlaring uchun rahmat.

Sen haqingda, sening merosing, futbolchi sifatidagi buyukliging va, eng avvalo, inson sifatidagi fazilatlaring haqida gap ketganda so‘zlarning o‘zi yetarli emas.

Milliy jamoamizning, sening milliy jamoangning ushbu ajoyib davridagi eng yaxshi lahzalarni sen bilan birga o‘tkazish baxtiga muyassar bo‘ldim.

Seni yaxshi ko‘raman, pakana. Baxtli bo‘l. Mamlakatimiz biz uchun qilgan barcha ishlaring uchun sendan doimo minnatdor bo‘ladi», — dedi Paredes.

Uning so‘zlarini The Touchline keltirdi.

Lionel Messi Argentina terma jamoasi safida 207 ta uchrashuvda maydonga tushib, 125 ta gol urdi va 68 ta golli uzatmani amalga oshirdi.

U milliy jamoadagi debyutini 2005 yilda o‘tkazgan edi.