«Бока Хуниорс» ярим ҳимоячиси Леандро Паредес Лионель Мессининг Аргентина терма жамоасидаги фаолиятини якунлашига муносабат билдирди.

39 ёшли ҳужумчи 31 август, душанба куни миллий жамоадаги фаолиятини тугатганини эълон қилди.

«Мен бу хабарга аллақачон тайёрман, деб ўйлагандим, аммо, албатта, ундай эмас экан.

Аргентиналик сифатида, терма жамоа мухлиси сифатида, жамоадош ва дўст сифатида мен учун қилган барча ишларинг учун раҳмат.

Сен ҳақингда, сенинг меросинг, футболчи сифатидаги буюклигинг ва, энг аввало, инсон сифатидаги фазилатларинг ҳақида гап кетганда сўзларнинг ўзи етарли эмас.

Миллий жамоамизнинг, сенинг миллий жамоангнинг ушбу ажойиб давридаги энг яхши лаҳзаларни сен билан бирга ўтказиш бахтига муяссар бўлдим.

Сени яхши кўраман, пакана. Бахтли бўл. Мамлакатимиз биз учун қилган барча ишларинг учун сендан доимо миннатдор бўлади», — деди Паредес.

Унинг сўзларини The Touchline келтирди.

Лионель Месси Аргентина терма жамоаси сафида 207 та учрашувда майдонга тушиб, 125 та гол урди ва 68 та голли узатмани амалга оширди.

У миллий жамоадаги дебютини 2005 йилда ўтказган эди.