«Manchester Yunayted»ning sobiq futbolchisi Gari Nevill jamoa yarim himoyachisi Brunu Fernandeshni yuqori baholadi.
Uning fikricha, 2020 yilda mankunianliklar safiga qo‘shilgan portugaliyalik futbolchi Aleks Fergyuson davri yakunlanganidan keyingi eng yaxshi transfer hisoblanadi.
«Bu, hech qanday shubhasiz, Fergyuson davridan keyingi eng yaxshi xarid», — dedi Nevill.
Uning so‘zlarini derbyderbyderby.it keltirdi.
Brunu Fernandesh «Manchester Yunayted»ga 2020 yilda kelib qo‘shilgan va keyinchalik jamoaning yetakchi futbolchilaridan biriga aylangan.
«Manchester Yunayted» joriy mavsumni bir g‘alaba va bir mag‘lubiyat bilan boshladi.
Eslatib o‘tamiz, klub so‘nggi bor 2013 yilda, Aleks Fergyuson bosh murabbiy sifatidagi so‘nggi mavsumida Angliya chempioni bo‘lgan.
APLning navbatdagi turida «Manchester Yunayted» safarda «Everton»ga qarshi maydonga tushadi.
