«Liverpul»ning sobiq himoyachisi Jeymi Karrager Angliya Premyer-ligasining 2-turida «Arsenal»ning «Aston Villa» ustidan qozongan 1:0 hisobidagi g‘alabasi haqida fikr bildirdi.
Karragerning ta’kidlashicha, «kanonirlar» to‘p ortida juda yaxshi tashkillashgan holda harakat qiladi va bu qanot himoyachilariga ancha erkin o‘ynash imkonini beradi.
«Arsenal» to‘p ortida juda yaxshi tashkillashgan. Bu esa ularning qanot himoyachilariga juda jasur harakat qilish imkonini beradi.
Mikel Artetaning ular bilan ishlashi va qanchalik katta erkinlik berayotgani ajoyib. Doimiy pozisiya almashinuvi — bu ligada boshqa hech bir jamoada ko‘rmayotgan narsamiz», — dedi Karrager.
Sobiq futbolchi Rikkardo Kalafyorining o‘yinini ham alohida e’tirof etdi.
«Hozir Kalafyori ligadagi eng yaxshi chap qanot himoyachisi degan taassurot bor. U fantastik o‘ynamoqda.
«Aston Villa» qila oladigan yagona ish — imkon qadar uzoq vaqt o‘yinda qolish edi. Chunki ularga qarshi, ehtimol, hozir dunyo futbolidagi eng yaxshi jamoa — «Arsenal» maydonga tushgandi», — dedi Karrager Sky Sports efirida.
