«Ливерпуль»нинг собиқ ҳимоячиси Жейми Каррагер Англия Премьер-лигасининг 2-турида «Арсенал»нинг «Астон Вилла» устидан қозонган 1:0 ҳисобидаги ғалабаси ҳақида фикр билдирди.

Каррагернинг таъкидлашича, «канонирлар» тўп ортида жуда яхши ташкиллашган ҳолда ҳаракат қилади ва бу қанот ҳимоячиларига анча эркин ўйнаш имконини беради.

«Арсенал» тўп ортида жуда яхши ташкиллашган. Бу эса уларнинг қанот ҳимоячиларига жуда жасур ҳаракат қилиш имконини беради.

Микель Артетанинг улар билан ишлаши ва қанчалик катта эркинлик бераётгани ажойиб. Доимий позиция алмашинуви — бу лигада бошқа ҳеч бир жамоада кўрмаётган нарсамиз», — деди Каррагер.

Собиқ футболчи Риккардо Калафьорининг ўйинини ҳам алоҳида эътироф этди.

«Ҳозир Калафьори лигадаги энг яхши чап қанот ҳимоячиси деган таассурот бор. У фантастик ўйнамоқда.

«Астон Вилла» қила оладиган ягона иш — имкон қадар узоқ вақт ўйинда қолиш эди. Чунки уларга қарши, эҳтимол, ҳозир дунё футболидаги энг яхши жамоа — «Арсенал» майдонга тушганди», — деди Каррагер Sky Sports эфирида.