Argentina futbol assosiasiyasi Lionel Messining milliy terma jamoadagi faoliyatini yakunlashi munosabati bilan unga minnatdorlik bildirdi.

Assosiasiya Messining 20 yildan ortiq vaqt davomida Argentina terma jamoasi sharafini munosib himoya qilganini ta’kidladi.

«Messi terma jamoani chempion sifatida, sardor va afsona maqomida tark etmoqda. Ammo uning merosi sovrinlardan ham ustun — u Argentina futboli va millionlab muxlislar qalbida o‘chmas iz qoldirdi», — deyiladi assosiasiya bayonotida.

Shuningdek, tashkilot Messining har bir goli, assisti, o‘yini va terma jamoa uchun qilgan mehnati uchun unga minnatdorlik bildirdi.

Argentina terma jamoasining rasmiy sahifasi ham futbolchiga munosabatini bildirib, «Leo, sendan abadiy minnatdormiz. Seni umrimizning oxirigacha sevib qolamiz», deya ta’kidladi.