«Tottenxem» hujumchisi Risharlison «Everton»ga ehtimoliy transferi bilan bog‘liq vaziyat haqida fikr bildirdi.

«So‘nggi yillarda ko‘p yomon voqealarni boshdan kechirdim va ularning deyarli barchasi boshqa odamlar qabul qilgan qarorlar tufayli yuz berdi. Bosim, tahdidlar, qasos — bularning hech biri meni qo‘rqitmaydi. Men bundan ham og‘ir holatlarni boshdan kechirganman... Ishoning!

Men har doim, har bir imkoniyatdan foydalanib, boshqa joyga ketishim klub uchun ham manfaatli bo‘lishi kerakligini aniq aytganman. 

Men qoldim va o‘z hayotimni qurbon qildim. Shuning uchun "Tottenxem"dagilar menga doimo hurmat bilan munosabatda bo‘lishini umid qilaman. Faqat men uchun qaror qabul qilishga urinmang.

Agar «Tottenxem» va «Everton» o‘rtasida kelishuvga erishilsa, men sevimli jamoamga qaytaman. Niyatim haqiqatan ham juda baxtli bo‘lgan joyimga qaytish edi. Ammo muzokaralar men istagandek kechmadi.

Endi esa hammasi boshqacha bo‘ladi. Bu chalkashliklarga qaramay, mening «Tottenxem» bilan shartnomam bor. Va klub ixtiyorida bo‘laman», — deb yozdi Risharlison Instagram sahifasida.