Londonning "Arsenal" klubi hujumkor yarim himoyachisi Itan Nvaneri yaqin vaqt ichida Dortmundning "Borussiya" jamoasiga o‘tadi. Bu haqda insayder Fabrisio Romano xabar berdi.
Manba ma’lumotiga ko‘ra, "Borussiya" 19 yoshli futbolchini ijaraga olish borasida "Arsenal" bilan kelishuvga erishgan. Futbolchining o‘zi ham transferga rozilik bildirgan.
Qayd etilishicha, Germaniya klubi "kanonirlar" tarbiyalanuvchisining maoshini to‘liq o‘z zimmasiga oladi.
Joriy mavsumda Nvaneri hali biror marta maydonga tushmadi. Yarim himoyachining "Arsenal" bilan amaldagi shartnomasi 2030 yil iyun oyi oxiriga qadar mo‘ljallangan.
Transfermarkt ma’lumotiga ko‘ra, futbolchining bozor qiymati 35 million yevroni tashkil qiladi.
