Rimning «Roma» klubi Londonning «Chelsi» klubi taklifiga qaramay, fransuz yarim himoyachisi Manu Kone bilan xayrlashmoqchi emas. «Chelsi» xavbekni sotib olish uchun 65 million yevro ajratishga tayyor.
Jurnalist Nikolo Skira ijtimoiy tarmoqlarda xabar berishicha, «Roma»ning Kone kelajagi bo‘yicha pozisiyasi o‘zgarmagan. «Roma» fransuz futbolchisini jamoadan qo‘yib yubormoqchi emas.
Manu Konening italiyalik klub bilan amaldagi shartnomasi 2029 yil o‘rtasigacha mo‘ljallangan.
2025/2026 yilgi mavsumda fransuz yarim himoyachisi A Seriyada 29 ta o‘yinda maydonga tushdi. Kone 2 ta gol urdi va 3 ta golli uzatmani amalga oshirdi.
