Римнинг «Рома» клуби Лондоннинг «Челси» клуби таклифига қарамай, француз ярим ҳимоячиси Ману Коне билан хайрлашмоқчи эмас. «Челси» хавбекни сотиб олиш учун 65 миллион евро ажратишга тайёр.
Журналист Николо Скира ижтимоий тармоқларда хабар беришича, «Рома»нинг Коне келажаги бўйича позицияси ўзгармаган. «Рома» француз футболчисини жамоадан қўйиб юбормоқчи эмас.
Ману Коненинг италиялик клуб билан амалдаги шартномаси 2029 йил ўртасигача мўлжалланган.
2025/2026 йилги мавсумда француз ярим ҳимоячиси А Серияда 29 та ўйинда майдонга тушди. Коне 2 та гол урди ва 3 та голли узатмани амалга оширди.
