«Lechche»ning markaziy himoyachisi Tyagu Gabriel faoliyatini boshqa klubda davom ettirishi mumkin. Bu haqda TransferFeed xabar berdi.

Manbaga ko‘ra, portugaliyalik futbolchi xizmatlariga «Milan» va «Fulxem» qiziqish bildirmoqda. «Lechche» o‘z futbolchisi uchun kamida 25 million yevro so‘ramoqda. Avvalroq klub «Milan»ning 20 million yevro miqdoridagi taklifini rad etgan.

Manba ma’lumotiga ko‘ra, bugun tomonlar o‘rtasida yangi muzokaralar o‘tkazilishi kutilmoqda.

Joriy mavsumda Gabriel barcha turnirlarda 3 ta uchrashuvda ishtirok etib, 1 ta gol urdi. Himoyachining «Lechche» bilan amaldagi shartnomasi 2027 yil o‘rtasigacha mo‘ljallangan.