«Fiorentina» «Sporting» bilan yarim himoyachi Pedru Gonsalveshning transferi bo‘yicha kelishuvga erishdi.
Taniqli insayder Fabrisio Romano ma’lumotiga ko‘ra, 28 yoshli futbolchi «Fiorentina»ga ijara asosida o‘tadi.
Italiya klubi ijara uchun 2,5 million yevro to‘laydi. Bitimga futbolchini 22,5 million yevro evaziga sotib olish opsiyasi ham kiritiladi.
Ayrim shartlar bajarilgan taqdirda, ushbu opsiya majburiy sotib olish bandiga aylanishi mumkin.
Gonsalvesh 2020 yildan buyon «Sporting» safida o‘ynab kelayotgan edi. Lissabon klubi tarkibida olti mavsum davomida portugaliyalik futbolchi barcha musobaqalarda 239 ta rasmiy uchrashuv o‘tkazib, 97 ta gol urdi va 64 ta golli uzatmani amalga oshirdi.
