«Фиорентина» «Спортинг» билан ярим ҳимоячи Педру Гонсалвешнинг трансфери бўйича келишувга эришди.

Таниқли инсайдер Фабрицио Романо маълумотига кўра, 28 ёшли футболчи «Фиорентина»га ижара асосида ўтади.

Италия клуби ижара учун 2,5 миллион евро тўлайди. Битимга футболчини 22,5 миллион евро эвазига сотиб олиш опцияси ҳам киритилади.

Айрим шартлар бажарилган тақдирда, ушбу опция мажбурий сотиб олиш бандига айланиши мумкин.

Гонсалвеш 2020 йилдан буён «Спортинг» сафида ўйнаб келаётган эди. Лиссабон клуби таркибида олти мавсум давомида португалиялик футболчи барча мусобақаларда 239 та расмий учрашув ўтказиб, 97 та гол урди ва 64 та голли узатмани амалга оширди.