«Barsa» yarimhimoyachisi Mark Kasado «Deportivo»ga o‘tish bo‘yicha muzokara olib bormoqda, deb xabar bermoqda Barca Blaugranes nashri.

22 yoshli futbolchi jamoadagi kelajagi borasida qaror qabul qilishi kerak va hozircha mavsum yakuniga qadar ijaraga ketish variantini ko‘rib chiqmoqda.

Kasado «Barselona»dan ketish istagini bildirgan. Shu bilan birga, futbolchi uchun Turkiya klublaridan birining uni doimiy ravishda sotib olish taklifi ham mavjud.

«Deportivo» La Ligaga qaytganidan so‘ng mavsumni yaxshi boshladi va Kasadoni tarkibini kuchaytirish uchun muhim nomzod sifatida ko‘rmoqda.

Transfer oynasi bugun yopilishi sababli Kasadoning kelajagi bo‘yicha qaror tez orada qabul qilinishi kutilmoqda.