«Барса» яримҳимоячиси Марк Касадо «Депортиво»га ўтиш бўйича музокара олиб бормоқда, деб хабар бермоқда Barca Blaugranes нашри.
22 ёшли футболчи жамоадаги келажаги борасида қарор қабул қилиши керак ва ҳозирча мавсум якунига қадар ижарага кетиш вариантини кўриб чиқмоқда.
Касадо «Барселона»дан кетиш истагини билдирган. Шу билан бирга, футболчи учун Туркия клубларидан бирининг уни доимий равишда сотиб олиш таклифи ҳам мавжуд.
«Депортиво» Ла Лигага қайтганидан сўнг мавсумни яхши бошлади ва Касадони таркибини кучайтириш учун муҳим номзод сифатида кўрмоқда.
Трансфер ойнаси бугун ёпилиши сабабли Касадонинг келажаги бўйича қарор тез орада қабул қилиниши кутилмоқда.
