«Manchester Yunayted»ning sobiq futbolchisi Jeydon Sancho faoliyatini «Palmeyras»da davom ettirishga qaror qildi.
The Touchline jurnalist Alfonso Partidorga tayanib xabar berishicha, 26 yoshli vinger chorshanba kuni ertalab Braziliyaga yetib boradi, tibbiy ko‘rikdan o‘tadi va San-Paulu klubi bilan shartnoma imzolaydi.
Angliyalik futbolchi bilan tuziladigan kelishuv ikki yilga mo‘ljallanadi. Shuningdek, shartnomani yana bir yilga uzaytirish imkoniyati ham ko‘zda tutilgan.
Jeydon Sancho iyul oyi boshida «Manchester Yunayted» bilan shartnomasi muddati tugagach, erkin agentga aylangan edi. O‘tgan mavsumda u «Aston Villa» safida ijara asosida to‘p surdi.
«Palmeyras» Braziliya A Seriyasining 25 turidan keyin 52 ochko jamg‘argan holda turnir jadvalida yetakchilik qilmoqda.
