«Chelsi» vingeri Mixail Mudrik «Tottenxem» safiga qo‘shildi.
«Shporlar» 25 yoshli futbolchini joriy mavsum oxiriga qadar ijaraga olganini rasman e’lon qildi. Taniqli insayder Fabrisio Romano ma’lumotiga ko‘ra, shartnomaga futbolchini 75 million funt sterlingga, ya’ni taxminan 87,5 million yevroga sotib olish huquqi ham kiritilgan.
Mixail Mudrik «Chelsi» safidagi so‘nggi o‘yinini 2024 yil oxirida o‘tkazgan edi. Shundan so‘ng u doping-test natijasi ijobiy chiqqanidan keyin futboldan chetlatilgan.
Ukrainalik futbolchining diskvalifikasiyasi joriy yil iyul oyi oxiridagina yakunlandi.
Mudrik «Chelsi» safida barcha musobaqalar doirasida 73 ta o‘yin o‘tkazib, 10 ta gol urgan va 11 ta golli uzatmani amalga oshirgan.
